Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per il 1. da settember 2026 u tenor cunvegna tschertgain nus ina manadra u in manader dal team segirezza
Voss champ d'incumbensas
- Manar il team attribuì en reguard professiunal, persunal ed organisatoric
- Manar e promover las set collavuraturas e collavuraturs subordinads sco er sustegnair ellas ed els en lur incumbensas
- Surpigliar la responsabladad dal di dal sectur Segirezza
- Garantir durant 24 uras ch'il manaschi dal stabiliment giudizial funcziunia senza incaps, quai areguard tut las proceduras e tut ils indrizs relevants per la segirezza, incl. la centrala
- Controllar persunas, materials persunals, locals, vehichels ed areals
- Assister, instruir ed accumpagnar las persunas collocadas da differenta derivanza ed origin cultural
- Garantir las instrucziuns da las collavuraturas e dals collavuraturs entaifer il team ed observar las prescripziuns da segirezza
- Far transports externs da persunas collocadas
- Liquidar lavurs administrativas sco scriver rapports e documentar eveniments
- Prestar servetschs da la damaun, dal di, da la saira, da la notg, da pichet e da la fin d'emna
Quai che nus giavischain da Vus
- Scolaziun terminada cun AFQ u in auter diplom equivalent
- Scolaziuns e furmaziuns supplementaras en il sectur da segirezza u scolaziun terminada sco spezialista u spezialist per l'execuziun giudiziala èn d'avantatg
- Plirs onns experientscha da direcziun – en il cas ideal en l'execuziun giudiziala u en in sectur da segirezza sumegliant
- Gronda cumpetenza sociala, abilitad da supportar squitsch, forza da persvader, flexibilitad sco er abilitad da sa distanziar
- Plaschair da lavurar en in team sco er avertadad per collavurar sin plaun interdisciplinar
- Fitg bunas enconuschientschas d'utilisar il computer sco er ina buna moda da s'exprimer a bucca ed en scrit en tudestg (almain C1) – enconuschientschas da linguas estras èn d'avantatg
- Abilitads administrativas pli profundas e moda da pensar concepziunala
- Permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala, sche betg gia avant maun
- Ina conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.