Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il sectur spezial Famiglias, uffants e giuvenils è responsabel per dumondas da famiglia e da giuvenils sco er per ils fatgs dals uffants confidads. En ils secturs da la tgira d'uffants cumplementara a la famiglia sco er da las chasas da dimora per uffants e giuvenils è el responsabel per planisar, conceder, finanziar, garantir la qualitad e survegliar las purschidas.
Il post spezialisà Famiglias da tgira ed adopziuns è ina part dal sectur spezial Famiglias, uffants e giuvenils e cumpetent per far il scleriment da la qualificaziun, per la surveglianza e per la cussegliaziun dals geniturs da tgira. En il sectur d'adopziun tutgan l'examinaziun professiunala da dumondas d'adopziun sco er la surveglianza e l'accumpagnament da las famiglias adoptivas tar las incumbensas dal post spezialisà. In'ulteriura incumbensa è la collavuraziun en la surveglianza dal sectur da la tgira d'uffants cumplementara a la famiglia e d'instituziuns per uffants e giuvenils.
Famiglias, uffants e giuvenils
Per il 1. da november 2026 u tenor cunvegna tschertgain nus ina lavurera sociala u pedagoga sociala ubain in lavurer social u pedagog social per il post spezialisà Famiglias da tgira ed adopziuns da l'Uffizi chantunal dal servetsch social.
Voss champ d'incumbensas
- Far en atgna responsabladad visitas da surveglianza sco er accumpagnar e cussegliar en relaziuns da tgira currentas
- Examinar la qualificaziun da geniturs da tgira
- Esser persuna da contact per dumondas en connex cun ils fatgs dals uffants confidads envers autoritads, persunas interessadas e persunas externas
- Garantir la qualitad e sviluppar vinavant cuntinuadamain ils process dal post spezialisà Famiglias da tgira ed adopziuns
- Cooperar tar la surveglianza da las purschidas da la tgira d'uffants cumplementara a la famiglia
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Diplom en pedagogia sociala, lavur sociala u en ina disciplina d'ina tematica parentada (psicologia/pedagogia)
- Experientscha en il sectur spezial da l'accumpagnament da famiglias / en la protecziun d'uffants u la prontezza da sa perfecziunar correspundentamain
- In pensar ed agir cumbinatoric che s'orientescha a soluziuns, chapientscha interdisciplinara da las incumbensas ed abilitad da lavurar en in team
- Moda da lavurar independenta, orientada a las finamiras e cun senn da responsabladad sco er fidadadad e cumpetenza
- Fitg bunas abilitads communicativas, concepziunalas e redacziunalas
- Enconuschientschas da las linguas uffizialas chantunalas èn giavischadas
- Bunas enconuschientschas da l'informatica (cunzunt Microsoft Office)
- Permiss da manischar da la categoria B
Nus ans legrain da Vossa annunzia online e da far Vossa enconuschientscha.