Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi chantunal dal servetsch social presta per incumbensa da las vischnancas l'agid social persunal e l'agid persunal per persunas dependentas. Plinavant sustegna el persunas d'acceder a l'agid social economic. Per quest intent maina el otg servetschs socials regiunals en las regiuns dal chantun. Il Servetsch social regiunal Cuira / Plessur / Plaun è responsabel per diesch vischnancas cun 67 000 abitantas ed abitants.
Cussegliaziun sociala, agid per persunas dependentas e sustegn finanzial
Per il 1. da december 2026 u tenor cunvegna tschertgain nus ina secretaria u in secretari per noss biro regiunal a Cuira.Per entant è la plazza limitada fin ils 31 da mars 2028. Previsiblamain exista l'opziun da prolungar l'engaschament.
Voss champ d'incumbensas
- Esser la persuna da contact per las clientas ed ils clients al telefon ed a la recepziun
- Dar emprims scleriments ed infurmaziuns specificas al telefon ed al spurtegl
- Organisar e coordinar termins da cussegliaziun
- Sustegnair las lavureras socialas ed ils lavurers socials en connex cun lavurs administrativas
- Elavurar en atgna responsabladad la correspundenza e las lavurs generalas da secretariat
- Inoltrar independentamain dumondas tenor basegn (p.ex. dumondas per stipendis)
- Endatar ed elavurar datas en il sistem electronic d'administraziun da cas
- Sustegnair las lavureras socialas ed ils lavurers socials tar l'introducziun dal nov sistem per la gestiun dals cas
- Dumandar offertas sco er far annunzias e mutaziuns tar las cassas da malsauns, tar las assicuranzas da responsabladad sco er tar las autoritads da migraziun
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada en il sectur commerzial u diplom d'ina scolaziun cumparegliabla
- Bunas enconuschientschas en l'applicaziun dal computer
- Stil da communitgar empatic, cler ed orientà als servetschs
- Plaschair d'As occupar cun dumondas socialas sco er da lavurar cun persunas da differenta derivanza sociala e/u culturala
- Bunas abilitads administrativas ed organisatoricas
- Moda da lavurar independenta, constructiva e cun senn da responsabladad – er en situaziuns hecticas
- Moda da lavurar exacta e structurada
- Enconuschientschas da las assicuranzas socialas sco er da linguas estras èn d'avantatg
Nus ans legrain da Vossa annunzia online e da far Vossa enconuschientscha.