Champ da lavur
Durant tut tes temp d'emprendissadi lavuras ti tar graubündenSport. Ti sustegnas l'organisaziun e la realisaziun da curs ed occurrenzas, participeschas a sesidas, liquideschas correspundenza ed has contact per telefon sco er persunalmain cun gruppas d'interess internas ed externas. Ti lavuras cun sistems da communicaziun e d'informatica moderns.
Durant tut il temp d'emprendissadi lavuras ti en il medem post da servetsch, midas dentant intern las partiziuns ed emprendas ad enconuscher differents secturs e projects da la promoziun dal sport. Uschia t'acquistas ti enconuschientschas specificas fundadas ed emprendas ad enconuscher en moda cumplessiva ils andaments entaifer l'organisaziun.
Perquai che ti possedas ina Swiss Olympic Talent Card, profiteschas ti da cundiziuns da scolaziun ch'èn accordadas specificamain per sportistas e sportists da prestaziun. Il manaschi d'emprendissadi sustegna tai da cumbinar la furmaziun professiunala cun il sport da prestaziun.
Tias fermezzas èn
- Fitg buna organisaziun autonoma e fidadadad
- Bun dun da linguas a bucca ed en scrit (almain in'ulteriura lingua chantunala)
- Fermezza d'organisar e bun dun receptiv
- Bunas abilitads communicativas ed orientaziun al team
- Senn da responsabladad ed independenza
Pretensiun
- Premissa: scola populara terminada cun bunas fin fitg bunas notas en ils roms principals
- Swiss Olympic Talents Card
- Commembra u commember d'in cader naziunal / regiunal
- Ti treneschas en disciplinas da sport cun cundiziuns generalas e structuras che persvadan (purschida da trenament manà e specific per il sport d'almain 10 uras per emna (senza viadi, concurrenza, gieu e.u.v.)
In emprendissadi tar il chantun ... Bun per las emprendistas ed ils emprendists – bun per il Grischun!