Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da november 2026 u tenor cunvegna tschertgain nus ina dissegnadra-constructura u in dissegnader-constructur, sectur professiunal Projectaziun da vias per la partiziun Construcziun da vias.
Voss champ d'incumbensas
- Elavurar sbozs per projects da vias principalas en la fasa studi cun AutoCAD e Civil 3D
- Actualisar las basas da projectaziun en il sectur Construcziun da vias
- Sustegnair ils manaders da projects en dumondas da dissegn d'incumbensas parzialas en connex cun projects
- Controllar ils plans da terzas persunas areguard la cumplettadad e la preschentaziun
- Testar ed installar actualisaziuns dals programs da CAD
Quai che nus giavischain da Vus
- Emprendissadi terminà sco dissegnadra-constructura u dissegnader-constructur AFQ
- Intgins onns experientscha professiunala en la projectaziun da vias
- Experientscha dad AutoCAD e Civil 3D è d'avantatg
- Prontezza d'emprender ed atgna iniziativa
- Plaschair da la lavur da team interdisciplinara
Nus ans legrain da Vossa annunzia online e da far Vossa enconuschientscha.