Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. d'october 2026 u tenor cunvegna tschertgain nus ina manadra u in manader da project Realisaziun (manadra u manader da secturs da construcziun) per la partiziun Construcziun da vias.
Voss champ d'incumbensas
- Surpigliar la responsabladad professiunala per projects attribuids da vias novas, da cumplettaziun e da renovaziun sin la rait da las vias principalas en tut il chantun
- Surpigliar la responsabladad per realisar ils projects en moda professiunala, confurm als termins ed als custs sco er per survegliar l'observanza da las prescripziuns da qualitad
- Manar ils secturs da construcziun per projects sin las vias principalas dal chantun
- Manar en moda independenta projects pretensius da vias e da construcziun bassa en las fasas publicaziun uffiziala e realisaziun
- Coordinar tranter projectaziun e realisaziun
- Manar en moda professiunala las direcziuns da construcziun localas
- Sustegnair il manader da la secziun Construcziun da vias principalas en il sectur dal management intern da la qualitad
Quai che nus giavischain da Vus
- Diplom sco inschignera u inschigner da construcziun (stgalim BSc, MSc), sco maistra constructura u maister constructur ubain scolaziun equivalenta
- Fitg bunas enconuschientschas professiunalas e plirs onns experientscha en l'execuziun da projects da vias e da construcziun bassa
- Forza da persvader, dun da communitgar ed atgna iniziativa
- Plaschair da la lavur da team interdisciplinara
- Bunas enconuschientschas en l'applicaziun dal computer (software da devisaziun, Microsoft Office)
- La lingua da lavur generala è tudestg, enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.