Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
La partiziun Mesiras agriculas è responsabla per realisar la politica agrara da la Confederaziun en il chantun Grischun. Ella procura ch'ils pajaments directs vegnian pajads confurm a la lescha a l'agricultura e presta uschia ina contribuziun impurtanta per il mantegniment e per in ulteriur svilup persistent da l'agricultura grischuna.
En il ressort Surfatschas/ecologia surpigliais Vus sco manadra u manader da project las lavurs en ils secturs biodiversitad e qualitad da la cuntrada, sviluppais vinavant ils projects da qualitad da la cuntrada e da colliaziun ed essas persuna da contact per dumondas da persunas che mainan las purarias, da posts spezialisads e da persunas incumbensadas externas. Ultra da quai sustegnais Vus il team en dumondas che sa refereschan al SIG ed a las applicaziuns respectivas.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà, che tgira ina cultura d'interpresa orientada als servetschs ed a las finamiras e cun curtas vias da decisiun.
Per il ressort Surfatschas/ecologia da la partiziun Mesiras agriculas tschertgain nus per il 1. d'october 2026 u tenor cunvegna ina persuna motivada sco manadra u manader da project per biodiversitad e qualitad da la cuntrada (80–100 %).
Voss champ d'incumbensas
- Manar, realisar e sviluppar vinavant projects en ils secturs biodiversitad e qualitad da la cuntrada en il rom da l'execuziun dals pajaments directs a l'agricultura
- Surpigliar la responsabladad per il rendaquint correct da las contribuziuns a favur da la biodiversitad e da la qualitad da la cuntrada
- Collavurar a l'ulteriur svilup dal sistem da datas agraras LAWIS Plus sco er ad incumbensas tecnicas e specificas cun il sistem d'infurmaziun geografica ArcGIS Pro
- Scolar ed accumpagnar professiunalmain ils biros spezialisads externs
Quai che nus giavischain da Vus
- In studi terminà ad ina scola auta u ad ina scola auta spezialisada en agronomia u en scienzas da l'ambient e da l'ecologia ubain in diplom sco agrotecnicista u agrotecnicist SSS cun experientscha professiunala
- Experientscha pli profunda cun applicaziuns dal SIG, en il cas ideal ArcGIS, sco er ina gronda affinitad per applicaziuns spezialisadas e process digitals
- Chapientscha per ils interess da l'agricultura sco er l'abilitad da sviluppar soluziuns pratitgablas, resguardond la producziun agricula, l'execuziun e la promoziun da la biodiversitad
- Abilitad da lavurar en in team, buna abilitad da communitgar sco er ina intermediaziun da temas specifics en in stil segir ed orientà a las adressatas ed als adressats
- Moda da pensar analitica e cumbinatorica
- Moda da lavurar independenta, structurada ed iniziativa sco er dun organisatoric
Nus ans legrain da Vossa annunzia online e da far Vossa enconuschientscha.