Supportra u supporter dad ICT

Uffizi per industria, mastergn e lavur | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 135 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza, e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.

Per la partiziun Mesiras per il martgà da lavur tschertgain nus ina supportra u in supporter dad ICT ed ina manadra u in manader da curs (80–100 %). Cumenzament da la lavur tenor cunvegna.

Voss champ d'incumbensas

  • Assister e sustegnair professiunalmain las collavuraturas ed ils collavuraturs cun in support d'emprim e da segund nivel en tut las dumondas dad IT
  • Installar, configurar e mantegnair la client hardware sco er endrizzar plazzas da lavur dad IT modernas
  • Surpigliar la responsabladad per l'acquisiziun, l'administraziun ed il management dal lifecycle da hardware e software (incl. empustaziuns, management da licenzas e far l'inventari)
  • Pachetar ed introducir pachets da software
  • Gestiunar, mantegnair ed optimar ils conturns da scolaziun
  • Assister ed accumpagnar persunas che tschertgan ina plazza durant scolaziuns d'utilisaders SIZ
  • Documentar la participaziun al curs da l'entrada fin a la sortida e rapportar als posts assegnants (CIL, assicuranza d'invaliditad, servetschs socials)
  • Surpigliar per pliras partiziuns la funcziun da la substituta u dal substitut dal power user

Quai che nus giavischain da Vus

  • Ina scolaziun u furmaziun supplementara terminada en informatica sco er experientscha professiunala fundada en il support dad IT ed en la gestiun tecnica d'applicaziuns
  • Enconuschientschas fundadas en ils conturns da Windows Client e da Windows Server ed en il cas ideal experientscha cun instruments d'automatisaziun usitads
  • Emprimas experientschas cun ils conturns da Microsoft 365 (SharePoint, MS Teams) sco er cun Azure èn in grond plus, ma nagin must-have
  • In pensar independent, cumplessiv ed analitic sco er ina moda da lavurar structurada, fidada ed orientada al team
  • Fitg bunas enconuschientschas a bucca ed en scrit dal tudestg. Enconuschientschas d'ina segunda lingua chantunala u d'ulteriuras linguas èn in plus e faciliteschan il barat en in conturn multifar
  • Permiss da manischar da la categoria B e la prontezza da lavurar mintgatant en ulteriurs lieus en il chantun Grischun

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per industria, mastergn e lavur
Grossbruggerweg 2
7000 Cuira
Per dumondas dastgais Vus gugent contactar Alexandra Gautschi, manadra da la partiziun Mesiras per il martgà da lavur, sut il numer da telefon 081 257 30 63.

Termin d'annunzia: 20 da fanadur 2026
Nus ans legrain da Vossa annunzia online e da far Vossa enconuschientscha.