Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sch'i sa tracta dals temas digitalisaziun e transfurmaziun digitala en l'administraziun chantunala, è il Post da stab Administraziun digitala il punct da contact central. Nus collavurain stretgamain cun l'Uffizi d'informatica, l'Uffizi da persunal ed ils posts da servetsch da l'administraziun.
Vuls ti sco studenta u student u persuna spezialisada en il sectur commerzial rimnar experientscha pratica preziusa en ils conturns da la transfurmaziun digitala e far valair tia savida activamain en il mintgadi professiunal? Alura es ti la dretga persuna per nus!
Per l'atun 2026 tschertgain nus ina persunalitad engaschada, creativa ed organisatorica per rinforzar noss Post da stab Administraziun digitala. T'allegra sin ina incumbensa multifara, nua che ti pos far valair tias ideas e gidar a concepir l'ulteriur svilup da noss process digitals.
Voss champ d'incumbensas
- Ti sustegnas noss team en connex cun incumbensas administrativas ed organisatoricas e procuras uschia per in mintgadi da lavur senza disturbis.
- Ti coopereschas en connex cun la planisaziun, la coordinaziun e la realisaziun d'occurrenzas online e d'occurrenzas al lieu ed integreschas activamain tias ideas.
- Ti concepeschas nossa communicaziun interna ed externa e surpiglias incumbensas, sco l'elavuraziun da newsletters e la tgira da nossas paginas d'internet ed intranet.
- Ti contribueschas tia creativitad e sviluppas preschentaziuns attractivas che intermedieschan noss cuntegns en moda efficazia.
- Ti documenteschas noss projects da digitalisaziun ed elavuras exempels inspirants da la buna pratica en furma da texts, maletgs e videos.
Quai che nus giavischain da Vus
- Ti has terminà ina scolaziun commerziala, ina maturitad gimnasiala u ina qualificaziun cumparegliabla ed has interess per incumbensas multifaras.
- Ti communitgeschas en in stil segir per tudestg – tant a bucca sco er en scrit. Enconuschientschas dal rumantsch e dal talian èn d'avantatg.
- Ti es versada u versà d'utilisar ils programs da Microsoft Office respectivamain dad M365 ed applitgeschas las applicaziuns usitadas en moda segira ed effizienta.
- En il cas ideal has ti gia experientschas cun programs da video e da grafica ed has plaschair da crear cuntegns creativs.
- Ti persvadas cun tes talent organisatoric, mantegnas la survista er tar pliras incumbensas e mettas prioritads.
- Ti ta distinguas tras atgna iniziativa, in senn da responsabladad, in'orientaziun exprimida als servetschs e flexibilitad.
Nus ans legrain da Vossa annunzia online e da far Vossa enconuschientscha.