Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per rinforzar la partiziun Planticultura en il sectur cussegliaziun tschertgain nus per il 1. da settember 2026 u tenor cunvegna ina cussegliadra e magistra u in cussegliader e magister per il sectur specific Agricultura biologica
Voss champ d'incumbensas
- Cussegliar en il sectur specific Agricultura biologica en ils chantuns Grischun e Glaruna
- Instruir il rom specific Agricultura biologica en la furmaziun da basa sco er en ils curs da furmaziun cuntinuanta
- Cussegliar e sviluppar vinavant ils bains purils biologics dal Plantahof
- Cooperar e cussegliar Suprastanza Bio Grischun
- Tgirar contacts cun gremis sco er cumissiuns da l'agricultura biologica sin plaun chantunal e naziunal
- Ulteriuras incumbensas en il project Agricultura neutrala al clima en il Grischun sco er en la strategia da clima dal Plantahof
Quai che nus giavischain da Vus
- Agronoma u agronom (bachelor u master) u scolaziun equivalenta
- Qualificaziun supplementara sco persuna d'instrucziun e da cussegliaziun (minor en furmaziun e cussegliaziun)
- Plaschair ed enconuschientschas en il sectur Agricultura biologica sco er en il sectur Clima
- Experientscha en ils secturs da cussegliaziun e da furmaziun supplementara
- Persunalitad fidada, da buna luna ed abla da lavurar en in team
- Prontezza da surpigliar responsabladad sco manadra u manader tematic Agricultura biologica
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.