Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG sut il medem tetg.
En il ressort Construcziun bassa da la partiziun Meglieraziuns da structura gidais Vus a concepir activamain il svilup persistent dal territori rural. En Voss spectrum d'incumbensas multifaras accumpagnais Vus projects d'infrastructura – da meglieraziuns generalas e da renovaziuns da vias da transport sur ils provediments d'aua d'alp e d'electricitad fin a restabiliments suenter eveniments da la natira.
Vus coordinais las incumbensas dals posts spezialisads chantunals e federals, cussegliais ils patruns da construcziun ed ils biros d'inschigneria e garantis la realisaziun professiunala dals projects. En cas da dumondas pertutgant il dretg da procedura essas Vus la persuna da contact centrala. Per accumpagnar projects participais Vus regularmain ad inspecziuns sin il funs ed a visitas dals plazzals. En Vossa lavur survegnis Vus invistas dals secturs spezials multifars e da las pli differentas regiuns dal Grischun.
Daventai ina part d'in team engaschà e prestai cun Vossa lavur ina contribuziun impurtanta per mantegnair il territori rural. As legrai d'ina incumbensa signifitganta cun blera atgna responsabladad en in ambient da lavur appreziant e d'ina collavuraziun constructiva cun ils purtaders dals projects e cun ils biros d'inschigneria incumbensads.
Sviluppai ensemen cun nus in futur persistent dal territori rural!
Per il ressort Construcziun bassa tschertgain nus per il 1. d'october 2026 u tenor cunvegna ina manadra u in manader da project per meglieraziuns da las structuras agriculas (construcziun bassa).
Voss champ d'incumbensas
- Survegliar projects da construcziun bassa ed arrundaziuns dal terren (en reguard tecnic, administrativ e finanzial)
- Cussegliar purtaders e biros da planisaziun
- Controllar ed elavurar ideas da project e dumondas da contribuziuns
- Collavurar en cas da consultaziuns chantunalas
- Collavurar en gruppas da lavur naziunalas e chantunalas, che han l'intent da sustegnair la direcziun da la partiziun
- Collavurar a la realisaziun da la strategia da digitalisaziun dal UAG
Quai giavischain nus da Vus
- Diplom d'ina scola auta u d'ina scola auta spezialisada sco inschigneria u inschigner en geomatica, construcziun, ambient, agronomia u en ina direcziun da studi cumparegliabla
- Bun dun da communitgar, persunalitad independenta, orientada a soluziuns, che ha plaschair da prender decisiuns
- Moda da lavurar structurada e concepziunala
- Abilitad da lavurar en in team e plaschair da s'occupar er da novas incumbensas
- Fitg bunas enconuschientschas dal tudestg; ulteriuras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.