Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per ICT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sviluppain vinavant il plaz da lavur digital da l'administraziun chantunala. En il sectur Collavuraziun & automatisaziun optimain nus la collavuraziun digitala, automatisain process e concepin andaments da lavur moderns sin basa da Microsoft 365. Perquai tschertgain nus per immediat u tenor cunvegna ina persuna responsabla per il product Microsoft M365.
Tes champ d'incumbensas
- Ti tgiras il product «Collavuraziun & automatisaziun» sin basa da Microsoft 365 ed al sviluppas vinavant
- Ti evalueschas e prioriseschas finamiras per il product e realiseschas quellas
- Ti coordineschas tranter secturs spezialisads, partenaris dad IT e furniturs
Quai giavischain nus da tai
- Scolaziun u furmaziun supplementara en informatica, informatica economica u en in ambient cumparegliabel
- Experientscha sco persuna responsabla per il product u motivaziun da ta famigliarisar cun questa rolla
- Experientscha cun Microsoft 365 (Teams, SharePoint, Power Platform)
- Ina moda da lavurar structurada, orientada a la clientella ed a las soluziuns
- Bunas enconuschientschas a bucca ed en scrit dal tudestg
Nus ans legrain da Vossa annunzia online e da far Vossa enconuschientscha.