Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'educaziun, cultura e protecziun da l'ambient cumpiglia tschintg posts da servetsch cun in vast champ d'activitad. Il Servetsch per stipendis è affilià a la partiziun Finanzas e controlling dal Secretariat dal departament. Il Secretariat dal departament è il post da stab dal departament. El sustegna il cusseglier guvernativ en la direcziun dal departament sco er en dumondas da direcziun, da communicaziun e da publicitad. Ils biros èn situads en il center da Cuira. Nus purschain in ambient da lavur avert, modern e digital.
Il Servetsch per stipendis è responsabel en il chantun Grischun per examinar dumondas da stipendis e d'emprests. En quest praticum survegnis Vus invista da las lavurs dal Servetsch per stipendis.
Per il 7. da settember 2026 tschertgain nus ina praticanta u in praticant per il Servetsch per stipendis.
Voss champ d'incumbensas
- Endatar resp. elavurar en moda independenta la posta electronica da las dumondas da stipendis ch'entran mintga di
- Preparar las dumondas per l'elavuraziun specifica
- Preparar dumondas incumplettas e trametter talas per laschar cumplettar e returnar
- Cooperar tar la controlla finala da las disposiziuns da stipendis e tar ils pajaments dals stipendis concedids
- Far lavurs generalas da secretariat
Quai giavischain nus da Vus
- Vus avais terminà resp. terminais ussa la scolaziun da basa commerziala resp. equivalenta u la maturitad gimnasiala
- In bun dun receptiv, l'abilitad da supportar squitsch e da lavurar en in team
- Bunas enconuschientschas da l'informatica
- Independenza, flexibilitad e discreziun
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.