Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament da finanzas e vischnancas (DFV) cumpiglia sis posts da servetsch cun in champ d'incumbensas multifar e cun passa 450 collavuraturas e collavuraturs. Il DFV surpiglia differentas incumbensas interdisciplinaras per auters departaments sco er posts da servetsch e surpiglia differentas incumbensas spezialas. Il secretariat dal departament è l'organ da stab central dal DFV, cun las unitads secretariat general, secretariat da finanzas e Post da stab Administraziun digitala. Il team sustegna il schef dal departament en tut las dumondas specificas, giuridicas, relevantas per la direcziun e politicas. El procura per ina buna collavuraziun cun ils posts da servetsch e las ulteriuras gruppas d'interess sco er per la furniziun professiunala dals servetschs.
Perquai che la titulara actuala da la plazza va en pensiun, tschertgain nus per il 1. da favrer 2027 u tenor cunvegna ina assistenta u in assistent dal secretari general per noss team sco sustegn efficazi en il secretariat general.
Voss champ d'incumbensas
- Sustegnair il secretari general en tut las dumondas administrativas ed er organisatoricas e remplazzar durant las vacanzas l'assistenta dal schef dal departament (100 % temp da preschientscha)
- Survegliar pendenzas e termins sco er coordinar sesidas
- Garantir il servetsch da retschaviment e da telefon
- Preparar documents per gremis, cumissiuns ed organisaziuns
- Sustegnair la preparaziun da propostas da la Regenza, disposiziuns dal departament, proceduras legislativas ed administrativas sco er projects
Quai che nus giavischain da Vus
- Scolaziun commerziala da basa u scolaziun equivalenta sco er plirs onns experientscha professiunala (en spezial sustegn da la direcziun), assistenta u assistent da direcziun cun certificat professiunal federal è d'avantatg
- Experientschas da registrar datas en il program d'administraziun CMI cun fitg bunas enconuschientschas da la IT (en spezial MS Office)
- Atgna iniziativa e talent organisatoric
- Moda da lavurar structurada, independenta e premurusa
- Gronda cumpetenza sociala, flexibilitad, abilitad da supportar squitsch ed in agir orientà als servetschs
- In stil segir en tudestg a bucca ed en scrit vegn premess, enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.