Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. d'october 2026 u tenor cunvegna tschertgain nus ina collavuratura u in collavuratur per la surveglianza en il Museum d'art dal Grischun tar l'Uffizi da cultura
Voss champ d'incumbensas
- Assister las visitadras ed ils visitaders dal Museum d'art dal Grischun
- Survegliar ils locals d'exposiziun e far girs da controlla
- Controllar las reglas da cumportament
- Respunder dumondas davart il museum, la collecziun e las exposiziuns
- Sustegnair il team a chaschun d'occurrenzas spezialas
Quai che nus giavischain da Vus
- Scolaziun terminada
- Experientscha d'assister giasts
- Enconuschientschas da mesiras da precauziun e da prevenziun
- Ina demananza segira, agreabla ed amiaivla
- Ina moda da lavurar independenta, orientada als servetschs ed a las soluziuns
- Ina buna constituziun fisica
- Flexibilitad e prontezza da far servetschs da fin d'emna
- Interess per l'art e la cultura
- In'expressiun irreproschabla a bucca per tudestg; giavischadas èn plinavant enconuschientschas da l'englais, dal rumantsch e dal talian
Nus ans legrain da Vossa annunzia online e da far Vossa enconuschientscha.