Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun (UAG) è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
Il Servetsch da controlla agricula dal Grischun (SCAGR) è in post d'inspecziun accredità tenor la norma ISO/IEC 17020. El è responsabel per las controllas relevantas per l'agricultura sin manaschis cun cumprova da prestaziun ecologica (CPE) e sin manaschis d'alpegiada. En il team da controlla dal SCAGR controllais Vus ils programs da pajaments directs, la protecziun dals animals, la producziun primara sco er differents labels da dretg privat.
Vus pudais quintar cun ina incumbensa multifara che pretenda responsabladad sco er cun curtas vias da decisiun, e tut quai en in team engaschà e cumpetent entaifer l'administraziun chantunala.
Per il Servetsch da controlla agricula dal Grischun tschertgain nus per il 1. da settember 2026 duas persunas motivadas e professiunalmain versadas sco controlladras u controlladers.
Voss champ d'incumbensas
- Controllar ils programs da pajaments directs (CPE, producziun da latg e da charn sin basa da pastgiras [PLCP], sortida regulara al liber [SORTA] e contribuziun da pasculaziun, alpegiada), la protecziun dals animals, la producziun primara (traffic d'animals, medicaments veterinars, sanadad d'animals, igiena da la producziun da latg) e labels da dretg privat sco IP-SUISSE e QM-Schweizer Fleisch.
Quai che nus giavischain da Vus
- Diplom agricul cun almain 2 onns experientscha pratica sin in manaschi CPE u sin in manaschi biologic. Experientscha pratica en la cultivaziun dad ers è giavischada.
- Bunas enconuschientschas da l'informatica
- Abilitad da communitgar e da schliar conflicts sco er forza da persvader
- Independenza, fidadadad e gronda prontezza da furnir prestaziuns
- Enconuschientschas dal rumantsch e/u dal talian èn d'avantatg
Nus ans legrain da Vossa annunzia online e da far Vossa enconuschientscha.