Ensemen per il Grischun
La Banca Chantunala Grischuna (BCG) porscha tut quai che caracterisescha ina banca universala moderna – per persunas privatas, per l'economia e per il maun public. L'interpresa cun sedia principala a Cuira è represchentada en passa 40 lieus dal Grischun. Cun var 1000 collavuraturas e collavuraturs è la BCG ina da las pli grondas patrunas en il chantun ed ina da las meglras en la branscha da finanzas da la Svizra. Ultra da sias activitads economicas s'engascha la BCG per projects socials e culturals en il Grischun.
L'onn da gestiun 2025 ha la BCG cuntanschì in gudogn da var 225 miu. francs, e quai malgrà in conturn pretensius cun tschains bass. Grazia a sia gronda basa d'agen chapital è ella ina banca segira e stabila. Sco acziunaria unica da la BZ Bank SA e sco acziunaria da maioritad da la banca privata Bellerive SA e da la Albin Kistler SA dispona la BCG plinavant da participaziuns sistematicas en il sectur da las finanzas. Il certificat da participaziun da la BCG è quotà a la bursa.
La Regenza dal chantun Grischun tschertga per il 1. d'avrigl 2027 ina commembra u in commember dal cussegl da banca da la Banca Chantunala Grischuna
Voss champ d'incumbensas
Sco commembra u commember dal cussegl da banca, ch'è l'organ suprem da la BCG e che cumpiglia set persunas, essas Vus incaricada u incaricà cun la direcziun strategica da la banca. Vus surpigliais en spezial las suandantas incumbensas:
- Fixar ils princips da la strategia da fatschenta ed il rom per l'activitad da fatschenta
- Approvar la politica da ristgas e survegliar il management da las ristgas sco er l'observanza da prescripziuns regulatoricas
- Eleger e survegliar la direcziun sco er la manadra u il manader da la revisiun interna ed il chief risk officer
- Responsabladad per la politica da salaris e da persunal
- Controllar ed approvar il quint annual, il preventiv e l'utilisaziun dal gudogn
- Ulteriuras incumbensas tenor il dretg federal e tenor la Lescha davart la BCG
Igl è previs, che Vus fetschias part da la cumissiun da controlla e da ristga dal cussegl da banca.
Voss profil
Vus essas in'experta u in expert cumpetent en il sectur economic e finanzial cun accent sin banking, ed avais experientschas correspundentas. Spetgadas vegnan ina vasta chapientscha dals connexs dal manaschi bancar per lung da la chadaina da valurisaziun sco er enconuschientschas profundas dals aspects centrals da regulaziun e da ristga. Cumplementarmain vegni premess, che Vus hajas experientscha en l'ulteriur svilup strategic d'instituts da finanzas sco er en la gestiun da dinamicas relevantas dal martgà e da la concurrenza.
Las suandantas qualitads cumpletteschan Voss profil:
- Abilitads analiticas ed in pensar tenor princips d'interpresa
- Abilitad da lavurar en in team e plaschair d'ina collavuraziun da confidenza en il gremi
- Identificaziun cun la cultura da l'interpresa, cun las finamiras dals proprietaris e cun las finamiras strategicas da la BCG
- Bunas enconuschientschas da las relaziuns politicas, economicas e socialas dal chantun Grischun èn d'avantatg
- Avunda temp a disposiziun
Nus ans legrain da Vossa annunzia e da far Vossa enconuschientscha.