Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Per il 1. da november 2026 u tenor cunvegna tschertgain nus ina manadra u in manader da l'ufficina dal sectur artisanal / creativper la Partiziun transitorica serrada (PTS)
Voss champ d'incumbensas
- Surpigliar la responsabladad per il sectur da lavur da la PTS
- Manar ed instruir persunas collocadas tenor princips socioprofessiunals sco er promover lur svilup professiunal e social
- Accumpagnar e survegliar persunas collocadas da differents spazis culturals
- Instruir en moda professiunala activitads manualas e creativas sco er sviluppar programs da promoziun individuals
- Controllar ils resultats da lavur sco er garantir in process da lavur reglà e senza incaps
- Far ed observar il preventiv en il sectur specific
- Far accumpagnaments da congedi / accumpagnar en connex cun schluccadas da l'execuziun
- Scriver rapports e documentar eveniments
- Prestar servetschs da la damaun, da la saira e da la fin d'emna (durmir da pichet)
Quai giavischain nus da Vus
- Scolaziun terminada cun AFQ en in sectur artisanal u creativ
- En il cas ideal avais Vus experientscha professiunala en in ambient da lavur sumegliant
- Plaschair da lavurs praticas, manualas u creativas
- Motivaziun d'instruir e da promover persunas tenor princips socioprofessiunals
- Ina persunalitad equilibrada e flexibla ch'è abla da schliar conflicts e che ha ina gronda cumpetenza sociala
- Spiert da team ed interess da collavurar en moda interdisciplinara
- Fitg bunas enconuschientschas dal tudestg (almain C1); ulteriuras enconuschientschas da las linguas chantunalas ed estras èn d'avantatg
- Bunas enconuschientschas en l'applicaziun dal computer sco er il permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.