Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per ICT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegna ina collavuratura commerziala u in collavuratur commerzial cun accent sin finanzas.
Tes champ d'incumbensas
- Ti es responsabla u responsabel per las differentas incumbensas da finanzas e da controlling
- Ti preparas il preventiv ed il rendaquint annual
- En moda rutinada sustegnas ti nus tar lavurs administrativas
- Ti collavuras en ils fatgs d'acquisiziun e da contracts
- Ti redigias documents ed elavuras correspundenzas
- Ti gidas ad organisar e coordinar differents projects
Quai giavischain nus da tai
- Scolaziun u furmaziun supplementara en il sectur commerzial sco er experientscha professiunala da plirs onns en ils fatgs da finanzas
- Senn per la digitalitad e bunas enconuschientschas dals programs usitads dad IT
- Ferma orientaziun als basegns da la clientella ed als servetschs
- Ina moda da lavurar structurada, orientada al team ed a las soluziuns
- Bunas enconuschientschas a bucca ed en scrit dal tudestg
Nus ans legrain da Vossa annunzia online e da far Vossa enconuschientscha.