Ensemen per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. da november 2026 u tenor cunvegna tschertgain nus ina inschignera forestala regiunala u in inschigner forestal regiunal e spezialista u spezialist d'ovras da protecziun (80–100 %).
Tes champ d'incumbensas
- Sco inschignera forestala regiunala u inschigner forestal regiunal t'occupas ti da la vischnanca da Bregaglia ch'è attribuida a tai: Exequir la legislaziun forestala federala e chantunala; garantir che las funcziuns dal guaud vegnian ademplidas il meglier pussaivel
- Sco spezialista u spezialist d'ovras da protecziun mainas ti projects respectivs en la regiun Grischun dal Sid: Concepir ovras da protecziun sin fundament da basas actualas davart ils privels da la natira; projectar ed accumpagnar en moda independenta las lavurs da projectaziun externas, fin a la realisaziun da projects d'ovras da protecziun; coordinar las controllas, il mantegniment sco er la renovaziun da las ovras da protecziun en la regiun
Quai spetgain nus da tai
- Diplom sco inschignera forestala u inschigner forestal SPF u SAS u master en scienzas da l'ambient e da l'ecologia SPF cun spezialisaziun en management dal guaud e da la cuntrada
- Enconuschientschas fundadas da la selvicultura
- Experientschas e bunas enconuschientschas en la projectaziun ed en la realisaziun d'ovras da protecziun cunter privels da la natira gravitativs; gestiun versada en connex cun las acquisiziuns sco er cun il management da ristgas integral en cas da privels da la natira en il context svizzer
- La lingua da lavur generala è tudestg e talian; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che ha in connex direct cun il guaud sco er cun il management da ristgas integral en cas da privels da la natira, sco er cun la natira e cun la tecnica
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da Vossa annunzia online e da far Vossa enconuschientscha.