Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
La Polizia chantunala dal Grischun tschertga ina praticanta engaschada u in praticant engaschà en il sectur da multimedia, per rinforzar il team da communicaziun en il sectur Lavur da publicitad e marketing. Cun ina communicaziun activa stgaffin nus tant a l'intern sco er a l'extern transparenza e promovain la confidenza en la lavur poliziala. In content preparà en moda creativa per tut ils chanals mussa la diversitad da las activitads professiunalas tar ina patruna attractiva.
Per la Polizia chantunala dal Grischun tschertgain nus tenor cunvegna ina praticanta u in praticant Multimedia (80–100 %) per ina durada limitada d'almain 6 mais.
Voss champ d'incumbensas
- Concepir e producir cuntegns multimedials per tut ils chanals e per tut las partiziuns
- Publitgar ils products sin tscherts chanals
- Garantir il monitoring
- Producir models, preschentaziuns, documentaziuns, flyers, inserats e placats sco er videos da scolaziun
- Controllar la qualitad dals products
- Sustegnair il team da communicaziun en tut ils fatgs / projects
Quai giavischain nus da Vus
- Persunalitad giuvna flexibla, innovativa e simpatica
- Basa professiunala en il sectur concepziunal u multimedial, p.ex. mediamaticra u mediamaticher, managera u manager da social media, producidra u producider da content digital
- Bun sentiment per trends da social media
- Chapientscha tecnica excellenta per sistems digitals
- Plaschair da crear content e da metter quel en in layout attractiv
- Persuna averta e communicativa, che schlia las incumbensas pretensiusas cun ideas creativas e cun buna luna
Nus ans legrain da Vossa annunzia online e da far Vossa enconuschientscha.