Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. Il Cumissariat fixescha las taglias sin las entradas e sin la facultad da persunas natiralas (taglia federala directa e taglia chantunala).
L'Administraziun da taglia As porscha a partir d'immediat u tenor cunvegna ina introducziun cumplessiva en in champ da lavur pretensius ed in clima da lavur colleghial.
Voss champ d'incumbensas
- Examinar ed eruir, a maun da las decleraziuns da taglia, ils facturs fiscals da las taglias sin las entradas e sin la facultad da persunas cun activitad da gudogn independenta (persunas natiralas)
- Revisiuns da quints
- Communicaziun en scrit, per telefon ed en persuna cun autoritads, cun pajataglias u cun lur represchentanzas
- Prender decisiuns da meds legals e represchentar l'Administraziun da taglia en proceduras da meds legals davant dretgira
Quai che nus giavischain da Vus
- Scolaziun spezialisada superiura en il sectur da finanzas e contabilitad, fiduziaria, economa u econom da manaschi SSS u in studi da bachelor terminà cun success en giurisprudenza u economia da manaschi ubain scolaziun sumeglianta
- Experientscha professiunala da plirs onns, da preferenza en il sectur da la contabilitad, da l'administraziun fiduziaria e/u da las taglias
- Bun dun receptiv
- Buna expressiun a bucca ed en scrit en tudestg, enconuschientschas dal talian e/u rumantsch èn d'avantatg
- Plaschair da prender decisiuns
- In bun dun da contractar e l'abilitad da sa far valair sco er ina demananza curtaschaivla e segira
- Engaschament professiunal e prontezza da sa perfecziunar
- Persunalitad abla da supportar squitsch e da lavurar en in team sco er organisada, fidada e fitg discreta
Nus ans legrain da Vossa annunzia online e da far Vossa enconuschientscha.