Persuna spezialisada per deponias veglias

Plazza finanziada da terzs, a temp limità, affiliada a l'Uffizi per la natira e l'ambient | 60–80 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco sustegn per l'Uffizi per la natira e l'ambient tschertgain nus per il 1. da november 2026 u tenor cunvegna ina persuna spezialisada per deponias veglias. I sa tracta d'ina plazza limitada previsiblamain per 9 onns, che vegn finanziada da terzs tras daners federals.

Voss champ d'incumbensas

  • Vus sustegnais las persunas responsablas en il sectur da las deponias veglias.
  • Tar Vossas incumbensas tutgan la coordinaziun dals differents pas en la procedura da deponias veglias. Quai cumpiglia scriver posiziuns, elavurar disposiziuns da sanaziun, eruir custs da perdita e dumandar indemnisaziuns tenor l'Ordinaziun davart la taxa per sanar deponias veglias
  • En il rom da Vossa activitad tgirais Vus plinavant in contact specific e direct cun ils posts d'administraziun da la Confederaziun, dals chantuns e da las vischnancas, cun federaziuns spezialisadas sco er cun firmas e cun persunas privatas.

Quai che nus giavischain da Vus

  • Vus avais terminà in studi ad ina scola auta u ad ina scola auta spezialisada en il sectur da las scienzas natiralas u avais ina scolaziun equivalenta e da preferenza intgins onns experientscha professiunala en il sectur da deponias veglias.
  • Vus avais experientscha cun bancas da datas e cun sistems d'infurmaziun geografica (SIG).
  • Vus essas disada u disà d'avair contact cun clientella ed As preschentais cun respect envers las gruppas da contact. 
  • Vus savais As far valair e mantegnais la quietezza e la prudientscha en situaziuns da conflict. 
  • Vus avais abilitads organisatoricas e communicativas en il team ed essas ina persunalitad iniziativa che pensa tenor princips d'interpresa e che ha ina gronda prontezza a l'acziun.
  • Vus avais in'expressiun segira en tudestg a bucca ed en scrit. Bunas enconuschientschas da pliras linguas chantunalas èn d'avantatg.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per la natira e l'ambient
Ringstrasse 10
7001 Cuira

Per dumondas davart la procedura da recrutaziun contactai per plaschair Bruno Krättli, responsabel per Resursas umanas, sut il numer da telefon 081 257 29 47 u per e-mail bruno.kraettli@anu.gr.ch.

Nus ans legrain da Vossa annunzia online e da far Vossa enconuschientscha.
S'annunziar online