Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a la scola media spezialisada, commerziala e d'informatica. Sco persuna d'instrucziun da musica da scola II instruis Vus scolaras e scolars dal gimnasi e da la scola media spezialisada.
Per l'emprim semester da l'onn da scola 2026/27 tschertgain nus per nossa scola ina persuna d'instrucziun da musica da scola II (cun opziun da prolungar per l'entir onn da scola)
Voss champ d'incumbensas
- Instruir il rom musica da scola II al gimnasi sco er a la scola media spezialisada.
- Organisar e realisar in'emna da project en il team cun autras persunas d'instrucziun
- Collavurar en la secziun musica
Quai che nus giavischain da Vus
- Studi da scola auta terminà en il rom d'instrucziun «musica» sco er in diplom d'instrucziun per scolas da maturitad
- Experientscha d'instruir sin il stgalim secundar II
- Persunalitad flexibla, iniziativa ed abla da lavurar en in team, che lavura gugent cun persunas giuvnas Ultra da quai giavischain nus ina persuna communicativa che surpiglia responsabladad e che s'engascha gugent en la vita da scola
Nus ans legrain da Vossa annunzia online e da far Vossa enconuschientscha.