Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Chanzlia chantunala sa chapescha sco purschidra da servetschs per l'administraziun chantunala e per la publicitad. Ella è il post da stab general da la Regenza e dal Cussegl grond. La Chanzlia chantunala pussibilitescha a la Regenza ed al parlament d'ademplir lur incumbensas da maniera cunvegnenta, cun cleras finamiras ed en moda transparenta per la publicitad. Ella procura che las burgaisas ed ils burgais possian far diever facilmain da lur dretgs politics.
Per la Chanzlia chantunala tschertgain nus per il 1. da november 2026 u tenor cunvegna ina referendaria u in referendari Dretgs politics e publicaziuns per cumplettar noss team.
Voss champ d'incumbensas
- Cooperar per preparar, realisar e controllar las votaziuns dal pievel e las elecziuns
- Publitgar en il Fegl uffizial chantunal, en la «Collecziun uffiziala da leschas» ed en il «Cudesch da dretg grischun»
- Sustegnair en singulas fasas da la procedura da legislaziun
Quai che nus giavischain da Vus
- Scolaziun commerziala terminada sco er in pèr onns experientscha professiunala, en il cas ideal en l'administraziun publica
- Experientscha en il sectur dals dretgs politics è d'avantatg (p.ex. collavuraziun en in biro electoral communal)
- Fitg bunas enconuschientschas da l'informatica ed interess per dumondas giuridicas
- Expressiun segira en tudestg, enconuschientschas da las ulteriuras linguas chantunalas èn d'avantatg
- Moda da lavurar independenta, speditiva e fitg exacta
- Fidadadad
- Discreziun
- Abilitad da supportar squitsch e flexibilitad
- Inschign organisatoric
Nus ans legrain da Vossa annunzia online e da far Vossa enconuschientscha.