Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun represchenta l'Uffizi da construcziun auta ils interess dal chantun sco proprietari d'immobiglias e/u sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.
Per il 1. da settember 2026 u tenor cunvegna tschertgain nus ina coordinatura u in coordinatur da project en facility management.
Sco coordinatura u coordinatur da project en facility management As spetgan in ambient da lavur avert a Cuira, pussaivladads attractivas d'absolver furmaziuns supplementaras e pussaivladad da cumpatibilitad da la professiun cun la famiglia ed il temp liber.
Voss champ d'incumbensas
- Surpigliar la responsabladad per il management d'energia e da provediment per garantir in'acquisiziun economica e persistenta, quai cun agid da basas da decisiun fundadas tras l'elavuraziun, la preparaziun ed il monitoring da datas
- Surpigliar la responsabladad per la gestiun dals contracts inclusiv l'acquisiziun sco er l'examinaziun professiunala ed il giudicament professiunal da las offertas/ils contracts en il management operativ d'edifizis
- Cooperar sco er coordinar projects da mantegniment, da reparaziun e d'implementaziun
- Surpigliar la responsabladad per il management dal mobigliar e da midada cun eruir il basegn, l'acquisiziun economica e l'empustaziun da mobigliar, quai tenor las prescripziuns ed ils standards interns sco er per la publicaziun, la surdada e la realisaziun da midadas da chasa en coordinaziun cun projects currents
- Persuna da contact per il management d'alimentaziun cun responsabladad per survegliar la qualitad e las prestaziuns fixadas tras contract
- Funcziun da punct da contact tranter la realisaziun operativa e la planisaziun strategica
- Cooperar tar l'integraziun da pretensiuns dal manaschi en la fasa da project e da construcziun per garantir ina gestiun persistenta da las immobiglias (pbFM)
Quai che nus giavischain da Vus
- Studi terminà u furmaziun supplementara en ils secturs da facility management u da tecnica d'edifizis, d'ambient e d'energia – u experientscha cumparegliabla sco tecnicista u tecnicist SSS en tecnica d'edifizis
- Vus avais plaschair ed inschign d'ir enturn cun differentas gruppas d'interess
- Vus communitgais en moda clera e lavurais gugent en projects en in team
- L'applicaziun segira da tools digitals è per Vus chaussa da mintgadi
- Vus avais ina moda da pensar entretschada e d'interprendider
- Vus lavurais en moda engaschada, independenta ed orientada als servetschs
- Vus avais ina demananza segira, amiaivla e persvadenta
- Vus avais ina moda da s'exprimer stilisticamain correcta
- Ina vasta furmaziun generala ed en il cas ideal enconuschientschas dal talian cumpletteschan Voss profil
Nus ans legrain da Vossa annunzia online e da far Vossa enconuschientscha.