Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Nus tschertgain per il 1. da settember 2026 u tenor cunvegna ina collavuratura u in collavuratur en l'administraziun da la APUC Grischun, filiala Grischun dal Nord.
Voss champ d'incumbensas
- Servetsch da spurtegl e da telefon
- Elavurar la posta
- Gestiun administrativa da cas, registratura, controlla da termins, deposit ed archivaziun
- Rediger la correspundenza ed ulteriuras elavuraziuns specificas sco la contabilitad
- Far lectorats e spedir decisiuns e correspundenza pretensiusa
- Protocollar e cumpilar datas e statisticas
- Facturar custs disponids
- Elavurar specificamain cas da donns
Quai che nus giavischain da Vus
- Emprendissadi terminà sco commerzianta u commerziant AFQ u scolaziun equivalenta
- Plaschair da lavurar constantamain effizient, exact e sistematic
- Gronda cumpetenza sociala ed empatia envers persunas en situaziuns da vita difficilas
- Fitg bunas enconuschientschas dal tudestg cun in bun stil
- Talent organisatoric cun ina moda da lavurar exacta, structurada ed orientada a soluziuns
- Persunalitad flexibla ed orientada als servetschs ch'è abla da lavurar en in team
Nus ans legrain da Vossa annunzia online e da far Vossa enconuschientscha.