Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun da taglia As porscha a partir dal 1. da settember 2026 u tenor cunvegna ina introducziun cumplessiva en in champ da lavur pretensius ed in clima da lavur colleghial.
Voss champ d'incumbensas
- Vus examinais ed eruis ils facturs fiscals da las taglias sin las entradas e sin la facultad da persunas natiralas (cun activitad da gudogn dependenta) a maun da las decleraziuns da taglia
- Vus prendais decisiuns davart protestas e represchentais l'Administraziun da taglia en proceduras da meds legals davant dretgira
- Vus tgirais contacts cun uffizis communals da taglia, cun pajataglias sco er cun lur represchentants
Quai che nus giavischain da Vus
- Scolaziun commerziala da basa, da preferenza cumplettada cun il certificat professiunal federal u cun in studi
- Experientscha professiunala da plirs onns, da preferenza en il sectur da la contabilitad, da l'administraziun fiduziaria e/u da las taglias
- Vus avais in bun dun receptiv ed ina buna expressiun a bucca ed en scrit per tudestg e per rumantsch. Enconuschientschas dal talian èn d'avantatg
- Plaschair da prender decisiuns
- In bun dun da contractar e forza da persvader sco er ina demananza curtaschaivla e segira
- Engaschament professiunal e prontezza da sa perfecziunar
- Persunalitad abla da supportar squitsch e da lavurar en in team sco er organisada, fidada e fitg discreta
Nus ans legrain da Vossa annunzia online e da far Vossa enconuschientscha.