Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la partiziun Servetschs en la secziun Servetschs centrals tschertgain nus per il 1. d'avust 2026 u tenor cunvegna ina collavuratura u in collavuratur en la recepziun.
Voss champ d'incumbensas
- Beneventar professiunalmain la clientella (al telefon/spurtegl)
- Elavurar la posta che entra e che sorta
- Dar sustegn tar submissiuns ed averturas d'offertas
- Liquidar e cooperar a las activitads administrativas entaifer la partiziun Servetschs
Quai che nus giavischain da Vus
- Emprendissadi commerzial terminà u scolaziun equivalenta
- Experientscha professiunala en ina funcziun sumeglianta
- Plaschair dal contact cun la clientella sco er da lavurs orientadas a la furniziun da servetschs
- Moda da lavurar fidada ed exacta
- Motivaziun d'As approfundar en novs champs d'activitad
- Persunalitad independenta e flexibla
- Bunas enconuschientschas en l'applicaziun dal computer (Microsoft Office)
- Bunas enconuschientschas da pliras linguas chantunalas èn d'avantatg
- Engaschament da lavur per regla da mardi fin venderdi
Nus ans legrain da Vossa annunzia online e da far Vossa enconuschientscha.