Managera u manager da service ICT

Uffizi d'informatica | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per ICT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns modernas. Ensemen cun tai faschain nus avanzar la transfurmaziun digitala dal chantun Grischun.

Nus sco Uffizi d'informatica tschertgain perquai per immediat u tenor cunvegna ina managera u in manager da service ICT.

Tes champ d'incumbensas

  • Ti cusseglias nossa clientella en connex cun services ICT e percepeschas ses basegns
  • Ti es la persuna da contact centrala tranter nossas unitads administrativas ed il manaschi dad ICT e surveglias l'observaziun da service levels
  • Ti analiseschas incidents, problems sco er changes ed erueschas mesiras
  • Ti es responsabla u responsabel per il management da licenzas e sviluppas vinavant quel
  • Ti garanteschas che las soluziuns sajan tant orientadas a la clientella sco er confurmas al standard 
  • Ti elavuras reports, indicaturs ed ulteriuras basas da decisiun

Quai giavischain nus da tai

  • Scolaziun u furmaziun supplementara en informatica ubain plirs onns experientscha en ina rolla cumparegliabla
  • Enconuschientschas praticas fundadas dals process ITIL sco er dal diever dals tools ITSM
  • Gronda orientaziun als basegns da la clientella, ina ferma conscienza da qualitad sco er buna demananza da communicaziun
  • Atgna iniziativa ed ina buna perseveranza sco er ina moda da lavurar structurada ed orientada a soluziuns sco teamplayer 
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira

Has ti dumondas? T'annunzia tar Roman Aebli, manader dal servetsch da clientella ICT, sut 081 257 30 95, u tar Heinz Patt, responsabel per il persunal, sut 081 257 31 70.

Nus acceptain mo annunzias directas – dumondas da biros per l'intermediaziun da plazzas na resguardain nus betg.

Termin d'annunzia: 10 da zercladur 2026


Nus ans legrain da tia annunzia online e d'emprender d'enconuscher tai.

S'annunziar online