Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per ICT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns modernas. Ensemen cun tai faschain nus avanzar la transfurmaziun digitala dal chantun Grischun.
È manar projects dad ICT exact tia chaussa? Nus scoUffizi d'informatica tschertgain per immediat u tenor cunvegna ina u in mainaproject dad ICT.
Voss champ d'incumbensas
- Ti ageschas sco mainaproject dad ICT per projects dad ICT interdisciplinars en il sectur da la gestiun da l'informatica
- Ti fas documentaziuns da projects, instrucziuns e directivas, analisas, rapports e preschentaziuns per differentas gruppas en mira
- Ti elavuras soluziuns digitalas resguardond l'architectura da segirezza e d'integraziun
- Ti fas acquisiziuns e surveglias ils progress dals projects, la qualitad ed ils custs
- Ti elavuras en l'agen team ils tickets concernent governance, architectura e segirezza ICT
Quai che nus giavischain da Vus
- In studi terminà en informatica, en informatica economica u en in sectur parentà
- Experientscha professiunala da plirs onns sco mainaproject dad IT
- In pensar cumplessiv ed analitic sco er ina moda da lavurar structurada ed orientada al team
- Ina persunalitad independenta, conscienta da la qualitad e fidada cun atgna iniziativa, talent organisatoric e perseveranza
- Bunas enconuschientschas a bucca ed en scrit dal tudestg
Nus ans legrain da Vossa annunzia online e da far Vossa enconuschientscha.