Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il servetsch giuridic da l'Uffizi chantunal dal servetsch social ademplescha incumbensas da la legislaziun, da l'applicaziun dal dretg, da la surveglianza giuridica e da la giurisdicziun. El sustegna e cusseglia la direcziun da l'uffizi e ses secturs spezials, ils servetschs socials sco er ulteriurs posts externs interessads. El è responsabel per incumbensas en ils secturs dal dretg d'agid social, da las adopziuns internaziunalas e da l'agid a victimas.
Nus tschertgain per il 1. da settember 2026 u tenor cunvegna ina collavuratura giuridica u in collavuratur giuridic.
Voss champ d'incumbensas
- Vus sustegnais e cussegliais ils servetschs socials e las vischnancas en dumondas dal dretg d'agid social.
- Vus cussegliais e scleris dumondas giuridicas che resultan en connex cun la gestiun da l'Uffizi chantunal dal servetsch social.
- Vus manais il post da contact da la Cunvegna interchantunala davart las instituziuns socialas (CIIS).
Quai che nus giavischain da Vus
- Vus possedais in diplom universitar da giurisprudenza.
- Vus As interessais per incumbensas multifaras e captivantas en il sectur dal dretg d'agid social.
- Vus lavurais cun responsabladad sco er en moda independenta e constructiva.
- Vus essas abla u abel da supportar squitsch, da lavurar en in team e da cumprender problematicas cumplexas.
- Vus avais ina buna expressiun linguistica da preferenza en duas linguas uffizialas.
- Ina buna moda da communitgar, dun da contractar e bunas enconuschientschas dal computer èn giavischadas.
- Vus savais As mover en in ambient pretensius ed avais interess da collavurar en moda interdisciplinara.
Nus ans legrain da Vossa annunzia online e da far Vossa enconuschientscha.