Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi chantunal dal servetsch social presta per incumbensa da las vischnancas l'agid social persunal e l'agid persunal per persunas dependentas. Plinavant sustegna el persunas d'acceder a l'agid social economic. Per quest intent maina el otg servetschs socials regiunals en las regiuns dal chantun.
Il Servetsch social regiunal Cuira / Plessur / Plaun è responsabel per 10 vischnancas cun 67 000 abitantas ed abitants.
Cussegliaziun sociala, agid per persunas dependentas e sustegn finanzial (gr.ch)
Nus tschertgain per il 1. d'avust 2026 u tenor cunvegna ina lavurera sociala u in lavurer social per noss biro regiunal a Cuira.
Voss champ d'incumbensas
- Cussegliar persunas singulas e famiglias en dumondas socialas, e quai en moda orientada a soluziuns ed a resursas
- Procurar per l'access a las prestaziuns da las assicuranzas socialas sco er a l'agid social economic
- Cussegliar e sustegnair finanzialmain persunas cun il status da protecziun S da l'Ucraina en alloschis individuals
- Cussegliar fugitivas e fugitivs renconuschids ed admess provisoricamain sco er persunas estras en dumondas da l'integraziun linguistica, professiunala e sociala
- Collavurar cun las autoritads socialas ed ils posts spezialisads
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada sco lavurera sociala u lavurer social BSc/SAS ubain diplom d'ina scolaziun cumparegliabla
- Plaschair da lavurar cun persunas da differenta derivanza sociala e/u culturala
- Ina gronda cumpetenza da cussegliaziun sco er savida spezialisada fundada en il dretg d'agid social ed en il sectur da las assicuranzas socialas
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- En il cas ideal bunas enconuschientschas da linguas estras
- Moda da lavurar independenta ed orientada a soluziuns
Nus ans legrain da Vossa annunzia online e da far Vossa enconuschientscha.