Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) è organisà en moda decentrala en sis lieus. En il rom da las valitaziuns da revisiun e da las valitaziuns sin dumonda faschain nus las valitaziuns uffizialas da bains immobigliars surbajegiads. Tras nossa activitad variada essan nus mintga di en contact cun differents partenaris, sco proprietarias e proprietaris ed uffizis, sco er cun l'Assicuranza d'edifizis dal Grischun. En quest connex vegnan er utilisadas las trais linguas chantunalas.
Per il 1. da fanadur 2026 u tenor cunvegna tschertgain nus praticantas e praticants motivads che sa movan gugent al liber e che viandeschan gugent.
Tes champ d'incumbensas
- Far en moda independenta inspecziuns ocularas e fotografias da las vistas externas d'edifizis, sco aclas e stallas ordaifer la zona da construcziun, cun resguardar las prescripziuns
- Archivar electronicamain las fotografias
Quai giavischain nus da tai
- Scolaziuns u perfecziunaments currents en la branscha da construcziun u d'immobiglias
- Permiss da manischar da la categoria B
- Buna orientaziun en almain ina da las regiuns
- Utilisaziun segira dals meds d'informatica moderns
- Moda da lavurar structurada ed independenta
- Flexibilitad
Nus ans legrain da Vossa annunzia online e da far Vossa enconuschientscha.