Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'economia publica e fatgs socials (DES) cumpiglia otg posts da servetsch cun in champ d'incumbensas multifar e cun var 500 collavuraturas e collavuraturs. Il Secretariat dal departament è il post da stab dal DES. In team da 13 collavuraturas e collavuraturs sustegna il schef dal departament en tut las dumondas specificas, giuridicas, politicas e relevantas per la direcziun e procura per ina collavuraziun efficazia cun ils posts da servetsch.
Per il 1. d'avust 2026 (u tenor cunvegna) tschertgain nus ina collavuratura u in collavuratur administrativ per il Secretariat da noss departament ed ans legrain da l'agid supplementar en noss team d'administraziun da trais persunas.
Voss champ d'incumbensas
- Liquidar tut las incumbensas administrativas sco er la correspundenza generala
- Sustegnair l'elavuraziun da conclus da la Regenza, da disposiziuns dal departament, da mandats penals, da missivas, d'intervenziuns parlamentaras, da consultaziuns, da projects da leschas e da publicaziuns
- Elavurar proceduras da recurs e proceduras penalas, incl. gestiun dals dossiers, controlla dals termins, facturaziun ed incasso
- Tgirar la posta che entra e sorta, incl. registraziun da las datas en il program administrativ CMI
- Far servetsch da telefon e da recepziun
- Organisar termins e sesidas
Quai che nus giavischain da Vus
- Scolaziun commerziala terminada sco er experientscha professiunala da plirs onns
- Bun dun receptiv, moda da lavurar structurada, independenta e precisa
- Fidadadad, discreziun e senn da responsabladad
- Spiert da team, flexibilitad, abilitad da supportar squitsch ed ina tenuta orientada a la prestaziun da servetschs
- Expressiun segira en tudestg, enconuschientschas d'ina ulteriura lingua chantunala èn d'avantatg
- Applicaziun segira da Microsoft Office
Nus ans legrain da Vossa annunzia online e da far Vossa enconuschientscha.