Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
Il nov Post da surveglianza per la protecziun da datas dal Grischun ha cumenzà sia lavur il 1. da schaner 2026. Actualmain essan nus en il process captivant d'installar il post da servetsch che surveglia ed accumpogna l'applicaziun da las prescripziuns davart la protecziun da datas tras las autoritads tenor la nova Lescha chantunala davart la protecziun da datas. Ils svilups tecnologics svelts ed ils numerus connexs cun dumondas socialas fan, che la protecziun da datas è in champ da lavur interessant e dinamic cun bleras dumondas interdisciplinaras. Il Post da surveglianza per la protecziun da datas dal Grischun è in post independent ch'è attribuì administrativamain a la Chanzlia chantunala.
Per cumplettar noss team tschertgain nus per il 1. da november 2026 u tenor cunvegna ina persunalitad engaschada e cumpetenta sco collavuratura u collavuratur administrativ.
Voss champ d'incumbensas
- Elavurar en moda independenta incumbensas administrativas
- Sustegnair la direcziun dal post da servetsch sco er las collavuraturas ed ils collavuraturs
- Tgirar datas ed administrar documents en ils sistems specifics
- Power-usera u power-user CMI
- Tgirar la centrala da telefon, l'adressa dad e-mail dal post da servetsch e la posta che entra e sorta
- Tgirar la pagina d'internet dal Post da surveglianza per la protecziun da datas
- Tgirar las finanzas: Controlla da las expensas, contabilisaziun, workflow da crediturs, facturaziun
- Organisar termins, occurrenzas, sesidas e dietas
- Manar la biblioteca dal post da servetsch ed il deposit da las revistas
Quai giavischain nus da Vus
- Scolaziun commerziala terminada cun intgins onns experientscha professiunala
- Bunas enconuschientschas dals programs da Microsoft Office sco er abilitads segiras en l'utilisaziun dal computer
- Moda da lavurar independenta, exacta e fidada
- Demananza amicabla e professiunala
- Flexibilitad, abilitad da lavurar en in team e discreziun
- Fitg bunas enconuschientschas a bucca ed en scrit dal tudestg
- Ulteriuras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.