Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
L'Uffizi per industria, mastergn e lavur (UCIML) occupa actualmain var 135 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza, e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Mesiras per il martgà da lavur tschertgain nus per il 1. d'october 2026 u tenor cunvegna ina manadra u in manader Administraziun ed elavuraziun specifica sco er assistenta u assistent da la manadra da la partiziun (80–100 %).
Voss champ d'incumbensas
- Manar var 5 collavuraturas e collavuraturs en reguard professiunal e persunal
- Coordinar las lavurs ed – en cas da basegn – collavurar en il sectur Elavuraziun specifica
- Procurar per ina stretga collavuraziun entaifer la partiziun sco er cun ils posts assegnants
- Sustegnair la manadra da la partiziun en connex cun la coordinaziun e la planisaziun da las mesiras per il martgà da lavur
- Cussegliar las collavuraturas ed ils collavuraturs dal CIL sco er persunas che tschertgan ina plazza en connex cun mesiras per il martgà da lavur
- Garantir la qualitad da las datas en l'elavuraziun da las dumondas ed en las applicaziuns d'utilisaziun
- Concepir rapports e preschentaziuns per gremis interns ed externs
Quai giavischain nus da Vus
- Emprendissadi commerzial terminà u qualificaziun equivalenta
- Abilitad da manar e motivar in team, en il cas ideal plirs onns experientscha da direcziun sin il stgalim da la direcziun d'in team
- Moda da lavurar independenta, abilitad da supportar squitsch e calma er en situaziuns pretensiusas
- Abilitad da lavurar en in team e prontezza da collavurar en moda interdisciplinara
- Gronda cumpetenza sociala e sensibilitad en il contact cun differentas gruppas en mira
- Fitg bunas enconuschientschas a bucca ed en scrit dal tudestg sco er fitg bunas enconuschientschas dal talian
- Fitg bunas enconuschientschas da la IT, en spezial en l'utilisaziun da Microsoft Office
- Prontezza da far servetschs en ulteriurs lieus en il chantun Grischun
Nus ans legrain da Vossa annunzia online e da far Vossa enconuschientscha.