Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da settember 2026 u tenor cunvegna tschertgain nus ina stradina-capolavurera u in stradin-capolavurer per la partiziun Mantegniment da las vias tar il district 5 Tavau
Voss champ d'incumbensas
- Manar ed organisar ina gruppa da mantegniment sco er collavurar activamain en la gruppa
- Surpigliar responsabladad per realisar il mantegniment funcziunal dal traject da via attribuì sco er per la controlla dal stadi da las vias e dals indrizs da las vias
- Organisar e planisar la lavur dal servetsch da stad e d'enviern
- Organisar las lavurs da rumida e da reparaziun suenter accidents u eveniments da la natira
- Prestar servetsch da pichet (stad ed enviern)
Quai giavischain nus da Vus
- Emprendissadi terminà en il sectur da construcziun
- Furmaziun supplementara sco capolavurera u capolavurer ubain furmaziun supplementara equivalenta
- Bun dun manual e tractament economic d'apparats, da maschinas e da materials
- Talent organisatoric, plaschair da lavurar en in team, da manar persunas e da far lavurs administrativas (far plans da lavur e da vacanzas)
- Bunas enconuschientschas en l'applicaziun dal computer
- Permiss da manischar da la categoria C è d'avantatg
Nus ans legrain da Vossa annunzia online e da far Vossa enconuschientscha.