Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
È l'architectura dad ICT exact tia chaussa? Nus sco Uffizi d'informatica tschertgain per immediat u tenor cunvegna in'architecta u in architect dad ICT.
Tes champ d'incumbensas
- Ti elavuras instrucziuns e directivas davart applicaziuns e sistems dad ICT interns
- Ti planiseschas l'integraziun da sistems e d'applicaziuns en la cuntrada dad ICT existenta
- Ti accumpognas e cusseglias nossa clientella en dumondas e pretensiuns pertutgant l'architectura dad ICT
- Ti collavuras en il gremi d'architectura dad ICT e sviluppas vinavant il portfolio d'applicaziuns
- Ti genereschas e mantegnas l'architectura d'infurmaziun, da tecnologia e da datas e mainas il lifecycle da la tecnologia
Quai giavischain nus da tai
- In studi terminà en informatica u en in sectur parentà
- Plirs onns experientscha professiunala en il sectur da l'architectura d'infurmaziun, da tecnologia e da datas
- In pensar cumplessiv ed analitic sco er ina moda da lavurar structurada ed orientada al team
- Ina persunalitad independenta, conscienta da la qualitad e fidada cun atgna iniziativa, talent organisatoric e perseveranza
- Bunas enconuschientschas a bucca ed en scrit dal tudestg
Nus ans legrain da Vossa annunzia online e da far Vossa enconuschientscha.