Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) è organisà en moda decentrala en sis lieus. En il rom da las valitaziuns da revisiun e da las valitaziuns sin dumonda faschain nus las valitaziuns uffizialas da bains immobigliars surbajegiads. Tras nossa activitad variada essan nus mintga di en contact cun differents partenaris, sco proprietarias e proprietaris ed uffizis, sco er cun l'Assicuranza d'edifizis dal Grischun. En quest connex vegnan er utilisadas las trais linguas chantunalas.
En la direcziun da l'uffizi tschertgain nus per il 1. da settember 2026 u tenor cunvegna ina assistenta u in assistent cun responsabladad per il persunal.
Voss champ d'incumbensas
- Responsabladad per il sustegn administrativ ed organisatoric da la direcziun da l'uffizi
- Coordinaziun da termins sco er preparaziun ed elavuraziun posteriura da sesidas e dietas incl. protocollaziun
- Responsabladad per la realisaziun administrativa da las protestas
- Persuna da contact per temas da persunal dal post da servetsch (var 60 collavuraturas e collavuraturs) sco er punct da contact cun l'Uffizi da persunal
- Coordinaziun e realisaziun da process da recrutaziun
- Assistenza professiunala e persunala d'ina collavuratura en l'Administraziun
- Assistenza e scolaziun d'ina emprendista u d'in emprendist
- Sustegn en la contabilitad
Quai giavischain nus da Vus
- Scolaziun commerziala da basa u scolaziun equivalenta, en il cas ideal cun experientscha da manar persunas
- Furmaziun supplementara en ils fatgs da persunal e curs da furmatur professiunal absolvì è d'avantatg
- Moda da lavurar discreta, orientada a soluziuns sco er independenta
- Buna communicaziun, forza da persvader ed atgna iniziativa
- Gronda sensibilitad e grond senn da responsabladad
- Affinitad per tools e sistems digitals
- Fitg bunas enconuschientschas dal tudestg a bucca ed en scrit, ulteriuras linguas èn d'avantatg
Nus ans legrain da Vossa annunzia online e da far Vossa enconuschientscha.