Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Ils Centers da controlla per il traffic pesant Unterrealta/San Vittore per lung da la via naziunala N13 èn impurtants per la segirezza dal traffic sin questa axa centrala dal nord al sid. Per incumbensa da l'Uffizi federal da vias (UVIAS) fa la Polizia chantunala dal Grischun controllas tecnicas dal traffic da camiuns pesants e fa valair las disposiziuns respectivas.
Per rinforzar noss team tschertgain nus tenor cunvegna ina collavuratura tecnica u in collavuratur tecnic per la Controlla dal traffic pesant.
Voss champ d'incumbensas
- Realisar independentamain controllas tecnicas da vehichels a motor grevs (segirezza dal traffic, prescripziuns legalas, manipulaziuns tecnicas)
- Controllar l'arretaziun da la chargia, ils pais, ils sistems da svapurs ed ils sistems AdBlue sco er ulteriurs elements relevants per la segirezza
- Exequir las Disposiziuns da l'Ordinaziun davart il temp da lavur e da paus (OLR1/OLR2) e far controllas da manaschi tenor la OLR
- Sancziunar ils surpassaments constatads ed elavurar documentaziuns che pon vegnir duvradas davant dretgira
- Prestar il support professiunal per la polizia da regiuns e cooperar en scolaziuns e furmaziuns supplementaras
Quai che nus giavischain da Vus
- Diplom d'in emprendissadi professiunal en il sectur da la tecnica da vehichels (p.ex. diagnosticher d'automobils per vehichels utilitars grevs, mecatronist d'automobils AFQ per vehichels utilitars u mecanist da maschinas agriculas AFQ) ubain scolaziun tecnica equivalenta
- Pratica en l'analisa tecnica da sbagls (applicaziun dals tools da diagnosa POBD/TEXA), u la prontezza d'absolver furmaziuns supplementaras en questas tecnologias da diagnosa
- Enconuschientschas da la legislaziun svizra davart il traffic sin via (OLR1/OLR2) u prontezza da s'acquistar quellas
- Permiss da manischar C/E, fidadadad, grond senn da responsabladad e da segirezza
- Fitg bunas enconuschientschas dal tudestg a bucca ed en scrit, enconuschientschas fundadas da l'informatica
- Abilitad da supportar squitsch, abilitad da lavurar en in team, flexibilitad per uras da lavur irregularas
- Bunas enconuschientschas da pliras linguas chantunalas e da l'englais èn d'avantatg
Nus ans legrain da Vossa annunzia online e da far Vossa enconuschientscha.