Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per rinforzar il sectur Cussegliaziun tschertgain nus per immediat u tenor cunvegna ina cussegliadra u in cussegliader per il sectur specific Svilup dal manaschi
Voss champ d'incumbensas
- Elavurar concepts da gestiun per manaschis singuls sco er basas da decisiun strategicas per manaschis agriculs da famiglia
- Far calculaziuns da la supportabladad e rediger rapports da finanziaziun
- Cussegliar famiglias da mainagestiun en il process da la surdada dal bain puril
- Cussegliar persunas privatas, vischnancas sco er ulteriuras instituziuns privatas e publicas en dumondas agriculas
- Organisar e realisar occurrenzas da furmaziun supplementara en il sectur Svilup dal manaschi
- Crear raits entaifer il svilup dal manaschi e tranter differents secturs
- Instruir a la scola da mainagestiun
Quai giavischain nus da Vus
- Agronoma u agronom (bachelor u master) u scolaziun equivalenta
- Experientscha professiunala ed enconuschientschas da l'economia da manaschi
- Experientscha en ils secturs da furmaziun e da cussegliaziun
- Qualificaziun supplementara sco persuna d'instrucziun e da cussegliaziun (minor en furmaziun e cussegliaziun)
- Persunalitad fidada ed engaschada ch'è abla da lavurar en in team e pronta da surpigliar responsabladad
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg.
Nus ans legrain da Vossa annunzia online e da far Vossa enconuschientscha.