Ensemen per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. da november 2026u tenor cunvegna tschertgain nus ina inschignera forestala regiunala u in inschigner forestal regiunal e spezialista u spezialist da privels da la natira (80–100 %).
Tes champ d'incumbensas
- Sco inschignera forestala regiunala u inschigner forestal regiunal t'occupas ti da la vischnanca da Bregaglia ch'è attribuida a tai: Exequir la legislaziun forestala federala e chantunala; garantir che las funcziuns dal guaud vegnian ademplidas il meglier pussaivel
- Sco spezialista u spezialist da privels da la natira mainas ti projects respectivs en la regiun Grischun dal Sid: Elavurar chartas da privels separadas da mintga process sco er analisas da ristgas; cussegliar vischnancas, persunas privatas ed autras instanzas davart dumondas dal management integral da las ristgas en cas da privels da la natira; funcziun sco commembra u commember da la Cumissiun da privel 3 (Grischun dal Sid e Signuradi – Partenz – Tavau).
Quai spetgain nus da tai
- Diplom sco inschignera forestala u inschigner forestal SPF u SAS u master en scienzas da l'ambient e da l'ecologia SPF cun spezialisaziun en management dal guaud e da la cuntrada
- Enconuschientschas fundadas da la selvicultura
- Experientscha da plirs onns ed enconuschientschas fundadas en tut ils process relevants gravitativs dals privels da la natira; applicaziun versada dal management integral da las ristgastar privels da la natira en il context svizzer
- La lingua da lavur generala è tudestg e talian; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che ha in connex direct cun il guaud sco er cun il management integral da las ristgas en cas da privels da la natira, sco er cun la natira e cun la tecnica
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da Vossa annunzia online e da far Vossa enconuschientscha.