Ensemen per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
possia proteger ils umans, ils animals e l'infrastructura,
saja il spazi da viver da bleras differentas spezias d'animals e da plantas,
saja il furnitur da materia prima, sco lain, aua ed energia,
possia esser vinavant in spazi da recreaziun e da temp liber per ils umans.
Per il 1. d'avust 2026 u tenor cunvegna tschertgain nus ina referendaria tecnica u in referendari tecnic per privels da la natira per sustegnair ils spezialist regiunal per privels da la natira.
Tes champ d'incumbensas
- Sustegnair il spezialist per privels da la natira en la regiun Grischun dal Sid davent da planisar e concepir il giudicament dals privels, analisar las ristgas, prender posiziuns davart dumondas da construcziun e proceduras d'examinaziun e realisar expertisas e projects per mauns da las zonas da privel u da la planisaziun per cas d'urgenza en il senn da la prevenziun
- Elavurar independentamain tschertas incumbensas specificas per objects e per projects sco er giuditgar privels en ils process da privels da la natira lavinas, crudadas, bovas u aua
- Preparar e participar ad inspecziuns da la Cumissiun da privel, protocollar ils resultats per mauns da la Cumissiun da privel ed elavurar ils plans da la Cumissiun da privel
- Sustegnair ils spezialists da privels da la natira sco er las inschigneras ed ils inschigners forestals regiunals a superar eveniments da privels da la natira
- Gidar las inschigneras ed ils inschigners forestals regiunals a registrar ed a controllar ils eveniments en il cataster d'eveniments
- Sustegnair il spezialist d'ovras da protecziun a manar il cataster chantunal da las ovras da protecziun
Quai spetgain nus da tai
- Ina scolaziun superiura (SPF, Uni, SAS u SSS) ubain ina scolaziun equivalenta che correspunda al profil da la plazza.
- Enconuschientschas fundadas en il sectur da privels da la natira, numnadamain enconuschientschas da process sco er dad ArcGIS Pro
- Ina persunalitad engaschada, orientada al team e fidada
- La lingua da lavur generala è tudestg, bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che sa referescha directamain al management integral da las ristgas en cas da privels da la natira, da la natira e da la tecnica
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da Vossa annunzia online e da far Vossa enconuschientscha.