Ensemen per il Grischun
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. d'avust 2026 u tenor cunvegna tschertgain nus ina referendaria tecnica u in referendari tecnic (80–100 %).
Tes champ d'incumbensas
- Sco spezialista u spezialist es ti responsabla u responsabel per il sectur spezial da l'ecologia forestala. Las finamiras dal Plan per il svilup dal guaud realiseschas ti en collavuraziun cun las proprietarias ed ils proprietaris da guaud e tenor las prescripziuns dal project.
- Sco coordinatura u coordinatur selvicultural administreschas e dirigias ti temporalmain il Program regiunal da tgira dal guaud e cusseglias las selviculturas ed ils selviculturs da revier sco er las inschigneras ed ils inschigners forestals regiunals a gestiunar la banca da datas LeiNa. Ti procuras per la garanzia da qualitad en la selvicultura cun far emprovas da controlla.
- Sco persuna responsabla per la lavur da publicitad sin plaun regiunal accumpognas ti projects da la pedagogia forestala.
- En collavuraziun cun nossa centrala es ti cumpetenta u cumpetent per las localitads da biro e per il support dad IT regiunal incl. ArcGIS Pro.
Quai spetgain nus da tai
- Ina scolaziun forestala (SPF, Uni, SAS u SSS) ubain ina scolaziun equivalenta che correspunda al profil da la plazza
- Enconuschientschas fundadas en il sectur da l'ecologia forestala
- Scolaziun ed experientscha en il sectur da la pedagogia forestala
- Persunalitad engaschada, orientada al team e fidada
- Bunas enconuschientschas da pliras linguas chantunalas èn d'avantatg
Sin quai pos ti ta legrar - Ina incumbensa che dat in senn en il sectur da l'ecologia forestala sco er lavur da publicitad
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da Vossa annunzia online e da far Vossa enconuschientscha.