Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. d'avust 2026 u tenor cunvegna tschertgain nus ina collavuratura u in collavuratur (80–90%).
Tes champ d'incumbensas
- Tgirar las culturas dal Curtin forestal (transplantar, zerclar, tagliar, strair ora)
- Producir plantinas cun ballas da terra (chavar or e pachetar en, tagliar, cultivar)
- Entruidar collavuraturas e collavuraturs stagiunals/temporars
- Enferlar e cultivar culturas dal sortiment da fritgs
- Racoltar la semenza da bostgs e da chaglias
- Servir clientella privata e preparar empustaziuns
- Emplantar e cultivar per terzs
- Elavurar il terren cun maschinas
- Mantegnair il parc da maschinas e l'infrastructura dal Curtin forestal
- Far lavurs da mantegniment sco zerclar, chavar ora plantas, tgirar plantas, racoltar, midar terra, assortir plantas e.u.v.
- Lavurar plirs dis in suenter l'auter durant ils mais da stad en il Curtin forestal chantunal a S-chanf
Quai che nus giavischain da Vus
- Diplom d'in emprendissadi en la sparta verda sco ortulan, selvicultur, pur ubain scolaziun equivalenta
- Grond interess per la cultivaziun e per la cultura da plantas
- Persuna cooperativa ed amicabla ch'è abla da lavurar en in team e che ha in bun dun receptiv
- Permiss da manischar cat. B, cun examen da chars annexs e cun experientscha da manischar maschinas agriculas
- Disada u disà da far lavurs corporalas da tutt'aura
- Bunas enconuschientschas d'ina da nossas linguas chantunalas èn d'avantatg
- Prontezza da surpigliar differentas lavurs tenor stagiun: durant ils mais da stad è giavischà in engaschi dad 80 % fin 100 %, durant ils mais d'enviern (december e schaner) è il grad d'occupaziun 0 %.
Tge spetga tai
- Ina incumbensa signifitganta che ha in connex direct cun la natira e l'ambient
- Lavur independenta en in team engaschà e colleghial dad 8 persunas
- Responsabladad per incumbensas parzialas
- Interessanta producziun da plantas forestalas (dal sem fin la planta gronda)
- Lavurs variadas durant l'onn
Nus ans legrain da Vossa annunzia online e da far Vossa enconuschientscha.