Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
L'Uffizi per industria, mastergn e lavur (UCIML) occupa actualmain var 135 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza, e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Mesiras per il martgà da lavur tschertgain nus, per il 1. d'avust 2026 u tenor cunvegna, ina collavuratura u in collavuratur per Logistica e support da magasin (80–100 %) en il program d'engaschament «Tischlein deck dich» a Cuira.
Voss champ d'incumbensas
- Garantir in funcziunament senza incaps dal recicladi da victualias
- Collavurar activamain en il recicladi da victualias ed en la gestiun dal magasin en il deposit central ed extern dal program d'engaschament
- Surpigliar la responsabladad per il mantegniment ed en cas da basegn engaschament sco manischunz per furniziuns e retratgas da victualias
- Assistenza ed accumpagnament da persunas che tschertgan ina plazza sin lur via en l'emprim martgà da lavur
- Documentar la participaziun al program da l'entrada fin a la sortida e rapportar als posts assegnants (CIL, assicuranza d'invaliditad, servetschs socials)
Quai giavischain nus da Vus
- Diplom d'in emprendissadi sco logisticra u logisticher AFQ u qualificaziun equivalenta
- En il cas ideal cun ina furmaziun supplementara en il sectur da la furmaziun da persunas creschidas u en accumpagnament socioprofessiunal ubain la prontezza da cuntanscher talas
- Gronda cumpetenza sociala, abilitad da lavurar en in team e sensibilitad en il contact cun differentas gruppas en mira
- Moda da lavurar independenta, abilitad da supportar squitsch e calma er en situaziuns pretensiusas
- Fitg bunas enconuschientschas dal tudestg sco er bunas enconuschientschas a bucca dal talian
- Bunas enconuschientschas da la IT, en spezial d'utilisar Microsoft Office
- Prontezza da lavurar mintgatant la sonda
Nus ans legrain da Vossa annunzia online e da far Vossa enconuschientscha.