Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Biblioteca chantunala dal Grischun tutga tar l'Uffizi da cultura ed è la biblioteca la pli gronda en il chantun. Ella è il lieu da rimnada central per las reticas. Quai èn tut las medias che vegnan publitgadas en il Grischun u che pertutgan il Grischun. La Biblioteca chantunala sustegna la furmaziun, la scienza e la cultura cun intermediar medias correspundentas en las trais linguas chantunalas. Ultra da medias da blers secturs spezials porscha ella er classichers da la litteratura, dal fim e da la musica. Sco post da cussegliaziun per las bibliotecas ch'èn accessiblas al public en il chantun, promova la Biblioteca chantunala il svilup e la coordinaziun dals fatgs da biblioteca dal Grischun.
Per la partiziun Catalog en la Biblioteca chantunala (Uffizi da cultura) tschertgain nus per il 1. da fanadur 2026 u tenor cunvegna ina collavuratura u in collavuratur.
Voss champ d'incumbensas
- Cataloghisar formalmain e tematicamain medias acquistadas da nov
- Elavurar l'effectiv da medias veglias
- Registrar titels en il catalogisat d'empustaziun
Quai giavischain nus da Vus
- Scolaziun terminada sco spezialista u spezialist Infurmaziun e documentaziun (AFQ) u diplom equivalent
- Experientscha da plirs onns da cataloghisar tenor las reglas da cataloghisar RDA
- Experientscha cun il sistem da biblioteca Alma
- Buna expressiun en tudestg, enconuschientschas da basa en rumantsch e/u talian èn d'avantatg
- Moda da lavurar independenta ed organisada, engaschament e concentraziun, abilitad da lavurar en in team
Nus ans legrain da Vossa annunzia online e da far Vossa enconuschientscha.