Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Biblioteca chantunala dal Grischun tutga tar l'Uffizi da cultura ed è la biblioteca la pli gronda en il chantun. Ella è il lieu da rimnada central per las reticas. Quai èn tut las medias che vegnan publitgadas en il Grischun u che pertutgan il Grischun. La Biblioteca chantunala sustegna la furmaziun, la scienza e la cultura cun intermediar medias correspundentas en las trais linguas chantunalas. Ultra da medias da blers secturs spezials porscha ella er classichers da la litteratura, dal fim e da la musica. Sco post da cussegliaziun per las bibliotecas ch'èn accessiblas al public en il chantun, promova la Biblioteca chantunala il svilup e la coordinaziun dals fatgs da biblioteca dal Grischun.
Per la partiziun Archivaziunen la Biblioteca chantunala (Uffizi da cultura) tschertgain nus per il 1. da fanadur 2026 u tenor cunvegna ina collavuratura u in collavuratur
Voss champ d'incumbensas
- Surpigliar la responsabladad per preparar las medias (equipar differents tips da medias cun segiranzas RFID, cun plachettas da signatura e.u.v.)
- Tgirar servetschs d'emprest durant l'emna e durant in pèr sondas per sustegnair la partiziun Utilisaziun
- Sustegnair il servetsch dal magazin (prender e metter enavos medias)
Quai giavischain nus da Vus
- Scolaziun terminada sco spezialista u spezialist Infurmaziun e documentaziun (AFQ) u diplom equivalent
- Experientscha cun il sistem da biblioteca Alma
- Experientscha pratica en il servetsch d'emprest
- Inschign manual, plaschair dal contact cun la clientella, applicaziun segira dals programs dad MS Office
- Bunas enconuschientschas dal tudestg, enconuschientschas d'ina ulteriura lingua chantunala èn d'avantatg
- Engaschament ed orientaziun al team
Nus ans legrain da Vossa annunzia online e da far Vossa enconuschientscha.