Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Nossa ICT procura che la centrala d'acziuns, las inquisiziuns e passa 550 plazs da lavur funcziuneschian da tut temp senza incaps. Nus tegnain en funcziun var 150 sistems da servers, applicaziuns spezialisadas sco er ina infrastructura fundamentala per la segirezza, cun grondas pretensiuns a la disponibladad ed a la protecziun da datas.
Per rinforzar noss team dad ICT Manaschi tschertgain nus ina persunalitad motivada, che
gestiunescha e sviluppa vinavant – ensemen cun nus – ina infrastructura dad IT ibrida e moderna.
Tias incumbensas
- Procurar per il funcziunament, administrar e sviluppar vinavant noss sistems dals servers Windows e Linux (conturns virtualisads)
- Collavurar en il manaschi da nossa infrastructura ibrida
- Cooperar a la tgira da las applicaziuns da noss sistems spezials
- Collavurar activamain a temas da segirezza e da protecziun da datas sco er gidar a realisar mesiras per proteger noss sistems e nossas datas
- Administrar las teconologias d'access a la rait
- Survegliar la prestaziun dals sistems sco er analisar ed eliminar disturbis
- Collavurar ad interessants projects dad IT ed a l'introducziun da novas tecnologias
- Periodicamain far servetsch da pichet planisà (ca. 4–6 emnas per onn)
Tes profil
- Terminà scolaziun en informatica cun furmaziuns supplementaras correspundentas
- Experientscha fundada en l'administraziun da sistems ed en l'automatisaziun è d'avantatg
- Atgna iniziativa e plaschair da novas tecnologias
- Moda da lavurar structurada, independenta ed orientada a soluziuns
- Abilitad da lavurar en in team e bunas qualitads da communitgar
- Prontezza da frequentar furmaziuns supplementaras professiunalas
Quai purschain nus a tai
- Lavur signifitganta en conturns relevants per la segirezza
- Infrastructura dad IT moderna e stabila cun pussaivladad da sviluppar vinavant
- Perfecziunament professiunal e pussaivladads da furmaziun supplementara specifica
- Team colleghial e rutinà
- Models dal temp da lavur flexibels e pussaivladads da homeoffice e jobsharing
- Plazza da lavur a Cuira cun buna cuntanschibladad
- Gronda segirezza al plaz da lavur en conturns publics
Has interess? Lura ans legrain nus da tia annunzia online.